KNANUK NO DADOLIN AVÔ XAVI

Programa Crecendo  ba semana ne’e sei halo ho titulo Knanuk no dadolin ba avô xavi, programa ne’e realiza ba loron mate ba saudozu francisco xavier do amaral nudar proklamador ba indepedensia Timor leste  ba 40 (hat nulu).

Programa realiza tamba servisu hamutuk entre Forum lutu, Crecendo no rttl,  Programa ne’e realiza para ita bele relembra fali Avô xavi ninian dedikasaun ba nasaun ida ne’e (Timor Leste), ita hotu hatene katak durante nia moris nia sakrifica an ba luta ba nasaun ida ne’e. Ho ida ne’e ita bele hanoin hikas fali avô xavi nia dedikasaun ba rai ida ne’e.

Programa ne’e komesa iha sabado 21 de abril 2012 tuku 19.00 oras otl to’o remata, hare nain barak mak mai partisipa direitamente iha edificio rttl hodi partisipa programa ida ne’e no mos liu husi canal tvtl, familia avô xavi nia mos mai partisipa programa ida ne’e, artista sira nebe mak hamutuk iha forum lutu apresenta sira talento hanesan le’e poetia, lakon ka prifisaun, pintura, no knanuk.

Poetia profisionais timor leste barak mak mai partisipa mak hanesan : Sandra Tilman, Quera, Aldo Barreto no Tronta, Pintura no prifisaun ka lakon sei representa husi arte moris nudar arte School iha timor leste, knanuk sei representa artista lubuk wain iha timor leste mak hanesan : Ego Lemos, Alcatraz, Akademik, Distin, galaxi no seluk nebe mak hakerek nain la temi.

Partisipante ka hare nain sira nebe mak mai partisipa barak uja lutu hanesan uja roupa metan, nune’e mos sira lori lilin nudar  simbolo ba lutu ba loron hat nulu (40) ba loron mate saudozu proklamador  independensia timor leste Francisco xavier do amaral, hare nain ka partisipante sira sei hanyut ba programa refere, programa nebe mak nakonu ho trizteza ba loron mate ba hat nulu (40) avô xavi nian, ida ne’e akonteze bainhira grupu arte moris no galaxi sae hodi apresenta prifisaun ka lakon ho nia titulo “Prifisaun Laran kanek”, nune’e mos poeta Quera nebe mak ba le’e avô xavi nian Poeta, poeta nebe mak halo hare nain sira terhanyut ho nuansa kalan “knanuk no dadolin avô xavi” nia mate.

Programa ne’e remata to’o tuku sia (21.00) otl.